مساجلات فى ردود - نصر الدين سالمان - 1

من طرف الشاعر الجديد
ليه بنتخاصم
من طرفالشاعر الجديدفي السبت 27
فبراير 2010, 9:22 pm

حبيبتـي ليــه بنتـخاصم داجفّ الدمـــــــع ف عــنينا
و ليه مظلوم وليه ظالم وننـــهي الـــودّ بـإيدينــــــا
بدينــا بكلـمه يـوم مـُرّه وصلـنا لـدمعه ولحســـــره

لقينا الشوق ماهوش راحم
حبيبتي ليه بنتخاصم

حبيبتي يا أغلى محـبوبه حيــاتي ليــكي مــش ليــه
عـيون العــند معصــوبـه بتمـشي ف سكه مش هيه

لا تيجي تبكي من نظــره مــا لـيـها لـون ولا فكــره

وليــه نحــكــم ونتــحاكم
حبيبتي ليه بنتخاصم

وتكــتر ليّـه أسئـــلتك أداري الحـزن ودمــوعي
تقــولي إني أجـــــلّتك تجاوبك آهه ف ضلوعـي
دا حبك جنتي ونــاري وبدر العـتـمه فـوق داري

وجـــوا القلــب دا مـــلازم
حبيبتي ليه بنتخاصم

باعتلك جوّا ف رسـالتي عقود الحـب ماضــيـــــها
لا فيــها قــلت أو قـــلّتي كفايه بســـمه تحييـــــــها
وننســى مـــره نتعـــاتب وننسى بكـره نتحاســــب

ندمتي خـــلاص؟ أنا نــادم
حبيبتي ليه بنتخاصم

رد الدكتورة / آمال كحيـــــل
من طرف د / آمال كحيل في السبت 27 فبراير 2010, 10:15 pm

يا ريت بكرة يكون أجمـل
يا ريت بكرة يكون أفضل
وكـــلِّآمـالنـــا تتحـــقق
وغربة روحنا ما تطـوِّل
وقلب الدنيـــا يصفــا لنـا
ووش الحـــزن يتحــول
ويملا الفــــرح أيامنــــا
ونرجـــع تــاني
م الأول
تشقشق بالغنـــا قلوبنـــا
وتنعــم باللقـــا عيوننــا
ونتصــالح أنـــا ، وانت
ونفتــــح للأمــــل بابنـا
وإيه غير
اللقــا يـداوي
ببســـمة ود أحزاننــا ؟
وننسى معــــاهم آسـينـا
وننسى القسوة وجراحنا
يا رب اجمعنـا من تاني
دا ليل الغربــــة دوبنــا

رد الشاعر الجديد
من طرف الشاعر الجديد في السبت 27 فبراير 2010, 10:34 pm

أمانه عليك يا طبيـب ..... تعالجني من دا الجرح

طـمّـني ع الأيــــــــام ..... منـيـني يـوم بالفــــرح

غرست زرعي زمان ..... وسقــيــته مـــن دمّـــي

واستنى يـوم يا طبيب ..... لم جاني وقـت الطــرح

رد الدكتورة / آمال كحيل
من طرف د / آمال كحيل في السبت 27 فبراير 2010, 10:51 pm


لو في يوم قسيت ظروفك والصحاب مابقوش صحاب
إوعـى تسـتســلم لخــوفــك ، ولا تقـفــــل كـــل بــاب
الأمــل فـي الله وســيلتك لاجـل ما تواصـل مسـيرتك
قول ماليش يا رب غيرك ، مهمـا طــالليــل العــذاب

رد الشاعر الجديد
من طرف الشاعر الجديد في الأحد 28 فبراير 2010, 12:13 am

الأمل فـى الله وسيـلتى .. لاجل ما آواصل مسيرتى
دا للى جفف لىَّ دمعى .. والّلــى هـــدّا فـىَّ حيرتـى
إنى مـا بينــكم بـغـنّـى .. والقصايـد دى سمـيـرتـــى

رد الشاعر الجديد
من طرف الشاعر الجديد في السبت 27 فبراير 2010, 11:07 pm

صـابر علـى اللــي انكتـب والصبر صار عاده
ونـاخـلي مـــن قـســوته جــرّحــني بــزياده
ماقــــدرت أقــــول الآه ولا عـــدت بتـــألـــم
والناسماعرفت صبـر وانا خدت فيه شهـاده

رد الأستاذ الشاعر / محمد لطفى

من طرف محمد لطفى في الأحد 28 فبراير 2010, 11:54 am

ياللى بتشكى من الزمان الشكوى بقت عادة
وهى الحياة كده يوم فرح ويوم حزن بزيادة
بس طول مالأمل فى قلوبنـــــا بيعيش
الحب مصيره يسود العالم ونبقى احنا السادة

رد الشاعر الجديد
من طرف الشاعر الجديدفي الأحد 28 فبراير 2010, 12:19 pm


يا لـطـفـى يابـو الـذوق يا حلـو بـزيـاده
الشـكرليك مــوصـول والـرد دا شـهـاده
ووسـام يعيش ع الصدورويغنـى بإجاده
عـاشـت بـلاد الـعــرب لـلمـجـد وسـيـاده