مسرح الدراويش : سقف مؤقت

من طرف **حمزة حمزة** الثلاثاء 23 فبراير 2010, 7:23 pm

سقف مؤقت

اعتصرني ما اعتراني فقلت لنفسي : دعك من كل ما حولك , جلست في مقعد خلفي من قاعة المسرح

كل الصفوف فارغة : ما بالي أجلس وحدي في الخلف والعتمة ؟

ترددت قليلاً : خرجت من نفسي وغفلتي وأجلستني في مقدمة الصفوف في الصف الأول وحدي

أمعنت النظر في الصف الأول من مقعدي الخلفي نحن اثنان , أنا وأنا

تريثت قليلا : كيف أنا في الخلف وأنا في الصف الأمامي واحد أنا أم اثنان والعتمة , أطلت الانتظار بقيت خشبة المسرح فارغة , لا يوجد أحد , قلت لأغني على ليلاي , وكيف يكون ذلك ؟ لا عليك قليل من الدروشة :

اقترضت من جدي الكمباز ومن والدي الشاشية البيظاء المونسة وعقاله , ومن جدتي المحجانة , وكرسي خشبي , وبقايا الخيمة الممزقة وصورة كبيرة لمجموعة كبيرة من الخيام

قلت لأقم بترتيب الأشياء :

· في خلف المسرح صورة الخيام

· على المدخل للكواليس شكل باب الخيمة وجزء من الخيمة تتسع لشخص واحد

· بعض القطع الخشبية موزعة هنا وهناك وسكين بيدي

· الكرسي على المسرح بباب الخيمة

· قوشان الأرض بيدي

· لا بد من علم

يعني هيك مع اشوية دروشة بصير أبو درويش .. ولحالي ع المسرح ماحدا لحدا ويا خيل شدي واركبي , دخلت الكواليس

سقف مؤقت :

قليل من العامية للهجة المحكية بقلب القاف وبعض الأحرف الى حرف الكاف ( أقول لك = أكولَك ... البارحة = إمبيرح )

ويبدأ العرض :

سكف اموكت

سقف مؤقت

***

ابو درويش يتقدم يغني

يا ما ماشينا مِن بَلد لَبَلد ... وِاِحنا ماشينا مِن بَلِد لَبَلد

يا ما طلبنا مِن بَناتِ البِلد ... وِاحْنا خَطِبنا بِنت شيخ البَلَد

يجلس على الكرسي :

الفَرحه يومِن بِتعِم , بِتعِم وبتتعلل البَلد كُلها

ينهض يتلفت يمينا وشمالا يضع حلقة العكاز على معصم يده , ويرد القمباز الى وسطه , ويبدأ بالحداء :

لون اجبِينَك مِثل الفَركَد وامعوَد عَ المَغنى امعَوَد .. جينا إنغَني لَمحِمَد وانكَديملوا التَهاني

ويا حلالي ويا مالي .. ويا حلالي ويا مالي

يا حلالي ويا مالي ويا ربعي ردوا عليا

يجلس عل الكرسي واضعا رأسه بين كفيه :

إمحَللي مِن إيام لِبلاد , بَلا مَنكودِيه , بلا مَنكودِيه , عِنا حَواكير , مَبتِخلاش ,إن خِليَت بِِليَت , حَكوره كبيره واشكاره إصغيره , مِن زَعتَرات , حَبَكات,نَعنَعات ,حَنونات , بي بِالحَواكير, اكرون لوبيه , باميه , مِن كُل اللي بِكَرِن وبِطلَعلو اكرون ,اكرون فليفله حِلوه واكرون ابتِحرِك , اكرون فول , لاتكول فول تَتحُط بِالعدول ,إمفَولين , فوك الستين سِنه , نَكش ونَبش وحواكير, بِتنبِز نَبِزهَلأيام اوكُلها إمكَساه , نَبَزنا مِثل لِشكارات والحَواكير( إبتُكصُف عِرِك , بيِطلِك.. إبتِكمَع راس ,بيطلِك..إبِتِشلَع شِرِش, بيطلِك )

ينهض وينظر للخيام في خلفية المسرح ويحاكي نفسه :

الحك بنكال , كيمتها ساعتين زمان , يعني كبل ما تِعصر علينا , إمنلحك إنعاود عَ البلد كبل ما إتمغيب , مصباح اليوم الثاني , أشركت علينا إمشركين , إنكاذ وامشرك , تشريك وانكاذ , بلاد وعباد امشركه , حبكت , ريحنت , إمكساة اوطلك , إنكاسي ونطلك وإنكاسي ونطلك , وخوذني وانا جيتك , طلك ومكساه ,إمكساه وطلك , .... , سحت مية الراس , لولولولييش , شك التوم , توم .. كوم وجيره , صارعنا كوم جيره

يعود لكرسيه :

الواحد يوم تتجلى معاه والحال بتصيرغيرحال .. بيديرها عتابا :

عتابا عتبت ني وانا اشبيب ... وقصفت بعمري وانا شبيب

رديت بابك يا دار ورديت ... وطالت الغيبه يا داروما رديت

شو نفع العتابا وحجارك يا بيت .. بيد لغراب ولغراب بالبيت

ناس غير ناس .. وبلاد غير بلاد .. وعباد غيرعباد , سحجه وكف إبكف ودحييه

يتوجه نحو الصورة يضرب كفاًُ بكف ثانية وبأسى وحسرة مرددا لعدة مرات , ت رويدا رويدا

دح إيابا دح إييه ... دح إيابا دح إيابا

ويدخل أبو درويش الخيمة وهو يحاكي نفسه وبصوت مرتفع :

امشيت الطريك ابطولو , اولاد اصغارعظهري ابكوفه , واشوية كرامي زتون ساندهم فيهن

حوار مع الذات يسأل ويجيب نفسه وهو اخل الخيمة وبصوت مرتفع :

- يا ابو الكرامه شو شايل

- كوفة كرامي وظناي , كوفة هم إوكرامه

- شو شاييل :

يخرج أبو درويش من الخيمة على ظهره قفة من الجلد بداخلها قطع خشبية , يتقدم لمقدمة خشبة المسرح ويضع حمله قائلاً :

- طلعن معي برجعن معي , كلمه بت ولا عشره لت

يجلس على كرسيه وأدعه عل خشبة المسرح

****

الصفحة الثانية في الرد : النص كاملاً بدون أي تدخل مني

أدعكم مع أبو الدراويش

من طرف **حمزة حمزة** الثلاثاء 23 فبراير 2010, 7:43 pm

( إمدَروِش )
النص كاملاً
سقف مؤقت

سكف إموكت

يا ما ماشينا مِن بَلد لَبَلد ... وِاِحنا ماشينا مِن بَلِد لَبَلد

يا ما طلبنا مِن بَناتِ البِلد ... وِاحْنا خَطِبنا بِنت شيخ البَلَد

الفَرحه يومِن بِتعِم , بِتعِم وبتتعلل البَلد كُلها

لون اجبِينَك مِثل الفَركَد وامعوَد عَ المَغنى امعَوَد .. جينا إنغَني لَمحِمَد وانكَديملوا التَهاني

ويا حلالي ويا مالي ... ويا حلالي ويا مالي

يا حلالي ويا مالي ويا ربعي ردوا عليا

إمحَللي مِن إيام لِبلاد , بَلا مَنكودِيه , بلا مَنكودِيه , عِنا حَواكير , مَبتِخلاش ,إن خِليَت بِِليَت , حَكوره كبيره واشكاره إصغيره , مِن زَعتَرات , حَبَكات,نَعنَعات ,حَنونات , بي بِالحَواكير, اكرون لوبيه , باميه , مِن كُل اللي بِكَرِن وبِطلَعلو اكرون ,اكرون فليفله حِلوه واكرون ابتِحرِك , اكرون فول , لاتكول فول تَتحُط بِالعدول ,إمفَولين , فوك الستين سِنه , نَكش ونَبش وحواكير, بِتنبِز نَبِزهَلأيام اوكُلها إمكَساه , نَبَزنا مِثل لِشكارات والحَواكير( إبتُكصُف عِرِك , بيِطلِك.. إبتِكمَع راس ,بيطلِك..إبِتِشلَع شِرِش, بيطلِك )

الحك بنكال , كيمتها ساعتين زمان , يعني كبل ما تِعصر علينا , إمنلحك إنعاود عَلبلد كبل ما إتمغيب , مصباح اليوم الثاني , أشركت علينا إمشركين , إنكاذ وامشرك , تشريك وانكاذ , بلاد وعباد امشركه , حبكت , ريحنت , إمكساه اوطلك , إنكاسي ونطلك وإنكاسي ونطلك , وخوذني وانا جيتك , طلك ومكساه ,إمكساه وطلك , سحت مية الراس , لولولولييش , شك التوم , توم .. كوم وجيره , صارعنا كوم جيره

الواحد يوم تتجلى معاه والحال بتصيرغيرحال .. بيديرها عتابا

عتابا عتبت ني وانا اشبيب ... وقصفت بعمري وانا شبيب

رديت بابك يا دار ورديت ... وطالت الغيبه يا داروما رديت

شو نفع العتابا وحجارك يا بيت ... بيد لغراب ولغراب بالبيت

ناس غير ناس .. وبلاد غير بلاد .. وعباد غيرعباد , سحجه وكف إبكف ودحييه

دح إيابا دح إييه ... دح إيابا دح إيابا

امشيت الطريك ابطولو , اولاد اصغارعظهري ابكوفه , واشوية كرامي زتون ساندهم فيهن , يا ابو الكرامه شو شايل , كوفة كرامي وظناي , كوفة هم إوكرامه , شو شاييل : طلعن معي برجعن معي , كلمه بت ولا عشره لت

انا عارف , وين في تنكيد بنكد ابحالي ... الأحسنت أنكود حالي بحالي خوف حدا يونكدني نكده اتنكدني , أزعل من حالي أحسن ماحدا ايزاعلني , عسيرة الزعل , عامل لحدا شي , امزعل حدا وانا موش ميخذ بالي , معدش اسمعت صوت طكشه , بكيت كاعد اموكت , يعني روحوا اوخلوني بالخشه عطول , لا طكشه ولاحس , إظاهرثكلان سمعي , أحسن ماحدا إيكولي يا اطرم , بزعل , بالي ابحالي بيهاش زعل .. بتهامتوا

خيال مين داربالخشه , الباب مفتوح ومردود رد , دارالريح , ردوا الهوى , مسنود بحجر, إسندوا , الكرامي ساند فيها إولادي , موش إمسكرإبوجه حدا , الباب متسكرش من الثمانيه واربعين , فش حدا بالباب , يظهرإني سخنان وثكلان راسي , ليش تأزعل من حالي الناس بتمرضش , ضربة شمس سخنت الكرامي

العتب عكد المحبه , إخوه بالرضاعه , السبعه أخت الثمانه , وحده لفوك اوحده لتحت , الثمانيه أكبر ولتحت , عنست , بدي إياها , الدهن بالعتاكي , السبعه أصغربكيمة التسع طاش عام , املعلطه .. ابتتبلعط عالورك , إبتتكلب وبتتشكلب , بتتلون بيكواس الطيف , وبترد عزراك , ميزركه , عيني علي تحت , موش علي فوك , بنزعليش منها , ميه زركا بتشتي بليزرك , بمعنيش , منكنعتش فيها , إظاهر إني إحول .. بيتنجانه عراس كومعه , كون دريزا راس , خرجوها وكلتنوها هراري وهباري , غطسوا البيتنجان ابشمام , نكعوها , منكعوه , الشمام منكوع البيتنجان , إمكلع إسناني ,الشمام بنلحسش , بنفغم فغم

أنا عارف عشو بطاول بلكطوف العاليه , مبعدوا العنب حوصروم , والعصفور مزكزكش عَ اللمون , اوسعد الخبايا مجاش تتطلع الحيايا , محداش نكش العش لتفيع الدبابير , جابو لإميات لبخوت حنايين , مجاش البخت لنجيب لمات لبخوت ابخوت , صام رجب وكال رمضان , يللي بدو يوكل إكماج بجمع حطب وبديراللهب , والمحبه عكد العتب , بعتب عحالي , كدي كد الشبر وبكارط لخوال ولعموم علهموم , فيهاش عتب من السخنه للبارد , ماخليت , لا ساخن ولا بارد ,عرنيس.. سوخنه وطرايا يا عرنيس , هرايس هرايس , حلاوه بسميد , هيطاليه , تورموس ترامس أكل العرايس , نابت نبت حبه استوت , عنبرعنابر أكل الأكابر, عالمكسريا بطيخ , ياما زكزك عليك العصفور يا لمون , تع بورد تع , تع وتفرج ع صيصان , غزل البنات شعرالبنات , إمشبك عوامه ..عوامه ومشبك , تع وتمرجح بالمراجيح , يا أولاد إمحارب .. لولا .. شدوا الكوالب .. لولا .. بورداااات ... عوفااات .. عوفات

إشتغلت كل الشغلات , شغل بنحكى وشغل إمخبا بنحكاش , مبيهاش عيبه , شغلات النسوان اللي ليزلام بشتغلوهاش , إشتغلتها عل نيسه , ديريت بالزك اوبززت .. اللي بدو إيبزز .. إيدير بالزك .. وبعد ما إيدير ويستنا عليه .. بيوشخول .. بعدينت ببز وبوكل لبن زك .. الحليب الناشف عالترويب بيفكس بالزك .. بشنن وبعرد عبوش

كبكبت يللي بتكبكب , كنست اللي بتكنس , وكمعت اللي بتكمع , دحبرت يلي بيدحبر , رصصت يلي بترصص , وحتحتت يللي بتحتحت , وشكشكت يللي بتشكشك , وفظيت اللي بدو فظ , الشغل موش عيب , العيب علي بشتغلش , ببيع وبشتري بالهوا , بيكرش وبنتفخ , ربرب صار كد عجل الأرمله , بعيب علي لأنوعندي كرامي , ميتجاكر مني لإنو معندوش .. تاجروا بيليكفان .. بطلت إولادنا إتموت

الله إيهونها علي بالظايلات , إظاهر إنها كربت

لا إله إلا الله محمد رسول الله

لا إله إلا الله والشهيد حبيب الله

فوك الستين سنه إمفارك , موش شايف غيرها ... إشي بلجج , بدورها براسي ما بتندار, بتنجمطش , بروح باجي , إكبالي كوفت هم , بشور ع حالي وبشاورحالي , يعني أكظيها إعياط , البكى عراس الميت لا إسبد منو , بس برجعش اللي مات , وكرامة الميت دفنوا , غمكولوا , عشان ما تتطلع ريحتوا , عارف إني كاعد بنازع وروحي ابتطلع , كربت , صاحب الأمانه بدوا الأمانه , وبدي أبري ذمتي كبل ما أموت .. اشوية الكرامي اللي عندي بحوطها عند اللي عندهم وصاينينها , بديروا بالهم عليها مثل ما درت بالي وزيادي

إجمال إمحملي وقلوب بتعن ... وبعدها لبلاد عالبال بتعن

هون حطنا الجمال :

اللي كرونا إياهن بالكوتاب , أبجد هوز .. الفاتحة , قل هو الله أحد , قل أعوذ برب الفلق , قل أعوذ برب الناس , وصلى الله وبارك , شعير مولد , وصلي ع النبي

صلي ع النبي صلي ... صلي ع النبي صلي

إصلى ع الكوم , كالبينها موالد ولفات , فتلوا طواكي روسنا ... طلعولنا من تحت الدلف لتحت المزراب , كال شو بكينا إنكط عليكو... مهو كانومعانا تحت الدلف إمنكعين إولابدين , طارالحمام .. هدى الحمام , حمحم الحمام .. إتحمم الحمام , بدهاش لا تنكيط .. ولا تفكيط , إكرايتي عكدي , بس إتعلمت من الخيمه , الخيمه اللي كعدت أنا وياك فيها مع بعض .. حبال خيمتي إمشربكه بحبال خيمتك .. وإمي اوإمك بفوظين إبلجن واحد .. إتعلمت اللي بتعلموش الكتب :

إتعلمت من الزتون ... بظل الزيت بالكرامي

من حبال الخيمه إتعلمت ... كد ما تقدرشد

ومن لوتاد .. الوتد بالأرض الصلبه بيندك

والخيمه بلا عمدان ابتنهال عروس اللي فيها

والحمام بعشش فوق موش جوات لخيام

علمتني لخيام وين في مخيم .. في ناس .. ما بتنام

طارالحمام هدى الحمام , حمحم الحمام إتحمم الحمام , حم بالنا الحمام .. حموا بالنا إيحيم بالهوم , عالهواره بهور وبدهور والزلوف بنزلف وبزليف , واللي عل الرف مستوف العين كاعدي بتشوف ,ارفوف أرفوف يا امجنحيين ارفوف ارفوف , مظلش عليهم غير إيشلحونا يا حلالي وغيرك ما بحلالي , محداش إيكرب عليها , لحد هون وبس , هاي إلنا كولنا , لوماها علينا , بلكن حميت روسنا إوشوبنا ,إشو بدو إيبردها

ياحلالي ويا مالي

بديش أظل أحدي عالفاظي والمليان , بطيحن بنات ذنييه , وبلهلبن اللوزات , أيونات اللوزات , لوزلبلاد , من زمان املهب وبلهلب , موش كلة مراجل , لع , المراجل ابتسند لرجال , ودلال اللوز لهلب من اشمال , بنت راح عنبالي , اللي إلهوم باب وكاعدين حوالييه , كريبه من الشاكريه , إتكوووول .. باب المغاربه , إجت اباللي بنت المغربي , دلال وبتزيد دلال , لوزه وبتدلل عطريك يافا , طريك اللوز, بين حيفا ويافا , من شمال وإنتي إمكبل عتل الربيع , من البحرللشرك , لوزه ملفوفه بدزينة محارم , منها ومغرب إزرك تحت وازرك فوك , بدهاش عزيمه.. الفارده بتجر من هوناك .. من الحد لشمالي .. ابحد دلال المغربي عطريك اللوز , اللي بدو يشرب كهوه مره , الدوله هوناك .. الدوله هوناك الدوله هوناك هوناك الدوله

وي جوري يا رافوكيتنا ... وي جوري يا رافوكيتنا

الباب , الباب , غيمت , مين بالباب , إيه إيه , هاظا إنت يا إمعود , له يا إمعود له , لابس للغوى وإمبوبز من الجوع , زيح محجانتك عجنب ساده الطريك , الحطه ولعكال والكمباز إمبطلات ينفعن يا امفنطز , متعييب بالحطه ولعكال

حطه ويعكال إبعشر إكروش ... خايب لباس الطربوش

فلسطين كولها لبست حطه ويعكال ودارت مع الثوار

يرحم أيامك يا بوكج , إمغطي الشبح بشادر وبكلك عشان ماحدا يشخط الشبح ...كواريط المخيم بيعرفوش كيمتها ... بتمغط مثل لبساس ... موش عارف أولاد مين هظول ,ولك أنفتيح عليك , كاعد بطلع بروحي وانت بيتدوك إبخوناكي , ولك يا بعيد من هون , إنتي مين , هاا , كولي ولك عشو ابتتفنطز , هاا , إنفطمت ويلا بعدك , ولك إنتي باكي من ورا ظهر إمك , تزروك عالكنينه واتلوغ حليب ناشف مع نص إنصيص , اللي ظريان عالحليب الناشف بنفطمش , ولك ابتعرف اشو كال المثل

فطام الرضيع ولا واحد من إولادي إيضيع

إبتعرفهاش , من كبله وإنتا طالع لشمال , عند البيت الحنون , بي مرضعه , شملت عتل الربيع لشمال , عشمالها منها ومغرب إزرك تحت وازرك فوك , الحد الكبلي , الحد الحنون , ابحد الريم , أول طريك الريم , اللي بدو ينفطم بعزيش عليه الحليب الناشف , المعزه للظنا .. فطام الرضيع ولا واحد من ولادي إيضيع , كالتها اوعملتها ريم الرياشي

عشو شايف حالك يا امعود وموش إمسديك , هاا , مشوفتش السياره كيف اتفلكت شوكف , وطار لفوك فوك فوك , مشوفتوش وهو طاير لفوك , معزتش عليه السياره , طير البرج وطار لفوك .. ولك خايف عحالك اتموت , دير بالك عحالك , سوك عملهك , وانتبه لحالك وإنتي ابتكطع الطريك , أحسن ما المحوجانه إتسدها بوجهك و يكلب عليك الشبح , إتحمحمش وإتحم بالي , عواض ما إتحمحمحم روح إتحمم , عشان ما ايغمكولك

دورغاد , خليك واكف عجنب تشوف شو بدو يطلع منك , توكعدش عليهن , الكرامي بينكعديش عليها , اللي بيعرف كيمتها بنام إبفيتها وبيعمل منها إكروم , إبتندلش ,مراكت إبكول الطوركات وممركتش عليك , باكي رايحه عليك نومه , إسلاااخ , جنااااح .. جنح تلاي , جنيح , جنيح لهون , موش لغاد موش لغاد , إتحميش بالي , إتجنحش تلا الحماحم , إتسيدش الباب إبوجهي أكثر, جنيح لهون لهون تلايي تلايي لهون جنييييح جنيييح , جنييح ...جنااااح , إسند راسك , إسند إسند , إسند راسك بالكرامه ابترتاح , إسند يا سنيد إسند ,إسند , سندت راسوا الكرامي

شوف شوف شوف , شوف فوك فوك , فوك راسك , شوف هالسيرب , شوف هالسريب , موش سريب حمام , موش سيرب حمام , مرك من فوك الخوشه , أتشرع الباب إتشرع , الباااب إمشرع ....إتشرع البااااب .. مر من فوكوا السرب .. إجناحوا موش إجناح حمام .. إشراع المراكب بالبحر.. السرب مو سرب حمام ..عطريك كرم اللوز , بسابك الريم والفطيم .. إمشرع الباب المردود ... طير بشراع حامل بشر ..

عبرلشراع عبر , عبر عبر عبر

إرفع راسك لفوك إرفع إرفع ... ابيترفعش راسك ليش ... إرتحت بهالسنده .. ريحتني .. هذا ارتاح عالأخر ... تأفكيدو لا حس ولا نيس , مالو .. له يا امعود له نايم , نايم اوغافي عالكرامي ... باكي ناييم وانا أخريف إبحالي .. كوووم .. روش وجهك لمسكيع ابميه أسكع ..

محمتوش اسخونه الكرامي اللي ساند راسو فيها , راسو بيحماش من ضربه الشمس , حاطط سندوكه بالحيطه وبتبخ عليه , وبيكول إمكيف علمكييف , الطابك الفوكاني حامي إبتطركو الشمس ...إسمع ولك : عشان الطابك إيظل مستور, مبيش غيرهن, عدسات وبرغلات وراسين بصل , كيف ما كان لوينك يا إمفنطز بلبلاد ... بتسلخ عركين شومر وكباية ميراميه مع كوصفت ريحان...بتسلخلك كوزين رمان وبطنط ع أصيله إلك ... بتشبح ... باطل ... باطل ..

أووف ... إندار الزمان وخلكة هالشادر صار.. طوابك

ومنشان تكمل , جايب خلكة وركة : يا زلمه معروظ حال للوكالة , منتى شايف الشارع بدو تزفيت ومليان طجات...طجه و طلعت براسو, ولك يا ميركعي منتاش شايف غيرها إمليح تندل وين بتحرن لكرار,عنفص ... وبيلوك بوزو وبيكول بدكيش إتعمر الدار, مهي الوكاله بتعمرلك إياها ... حمالي راسي ... أخ يامخرز من تبعون أيام لبلاد , يوطركو عين إيركبو جني بدل هالشبح ... مهوش عارف إني كطعت عن حالي ولميت حك الخيمه والعلم من عرك إجبيني

ع الهواره الهواره ... حاله و بدها دوباره

دبر دبر تدابير ... العودة ساعه ابسياره

إمشربكه اتشيربك , مين مع مين , مين كبل مين , مين ورا مين , مين كودام مين , مين أنا وأنا مين , خورفيه إوخورباطيه , بكينا نتفلت إندورها ودارت , ورينا الساكه وإتخنصرنا بكنابيزنا وشيلنا بوكجنا , شيل يا عايدين شيل

عود وارجع يا زمان ... للي إمفارق الأوطان

عود وارجع يازمان ... وع الماشي خلينا انسير

ع الماشي خلينا انسير... الرجعه الرجعه لفلسطين

إجتنا دبت الصوت :

ولعوا النار بهالخيام ...والغوا اكروتت التموين ... لا صلح ولا استسلام ... بسلاحنا انحرر فلسطين

شوفناهم هايظين ... ظلينا هايظين ...كولنا إبحالنا منطلكين ... دشعنا وهيظنا إولادنا

ويا نشامى شيلو شيل ... وحريروها من الداخل

منسابك ‘هبوب الريح , سبكناهم خذوا كد ما بدكوا من اولادنا

بدي أظلني ماشي و أرضنا المحتله ما بترجع بلاشي

إوبعدينت ... كال شو... إحنا منروح كبلكو , وإنتو إبتلحكونا ... منحررها وبعدينت منرجعكو .. بكا إبالنا نرجع وندبك فيهم ونحررها إنريح ونرتاح ...

بين الزكفه واللكفه بيجي الفرج ... بين الزكفه واللكفه بيجي الفرج

ناطر بستنا تنها تنفرج , مبدهاش ,إنكلبت الآيه , لكل وكت من لوكات آذان ولََلََجَن ركبتو ذنين ,أشركت الأنوار, سلطت حميظ , لمن بشرك امغرب بمشرك , وبغرب إمشرك بمغرب , بتهامتو ع الهسه , وبسخسخوا , موش ميكتنع بيها , بترجعش إبلاد وعباد , خليني أكنع حالي , وين ما تندار بي امشرك وبي امغرب , موطرح ما انا واكف ابتشرك من امشرك وابتغرب امغرب , بلدنا شركي البحريعني امشرك , يللي من بلدنا إوغاد يعني امغرب , بكيسها عحالي أكرب للعكل , من موطرح منا واكف , أنا شرك امغرب , اوغرب امشرك , لناامشرك ولاإمغرب ,لا امغرب ولاامشرك , كربتها لعكلي , كورميات زتون طلعن معي , حاطهن وامحرزعليهن , بكول لحالي : الكرامه امليحه بلا كرامي ابتمشيش ,إن لزمنا كرامه ومعناش كرامي زتون سلطه بدون زيت مابتنفع ,ومن طين بلادك حوط عخدادك , ويلي بالكدر طلعتو المغرفه , ياعمي فك عني .. من حالي ما انكنعت , اشلون بدي أكتنع , خاف الله كاعدين بتروظونا , كفعت معاي ,إوكبل ما إنشرش , مبدهاش , لحد إلهونت وبس ,لامنردحلكو ولا منفيع عش دبابير... طرن خلو الطابك مستور...فارت روسنا... ويا حلالي ويا مالي إلنا , وسحجة وكف بكف ... ومثل ما كال المثل :

يا حلالي ويا مالي ... ويا ربعي رودوا عليا

يا حلالي ويا مالي ... ويا حلالي ويا مالي

بردت راسي ياحلالي , مهي حلال بنت حلال , طيرت سكعة خورينا.. له له له , عشو باكيين إمبحطين , كوام , كوام , شي تشوف شي , موش حاكك إمليح , أباييييه (كنافد.. كنابل , فشك ..حلك , خراريك .. خوازيك , إكوام..إحجام )هياتهن.. هياهن إمصبرات...لكيتهن , إلكيتهن, ياباييييه , إمشبحات , بتوهينش , مدموغات, كل بيظه ودمغتها عليها , إزغار, إكبار , كولياتو بيظ , كومك وبكل التلاوين ..هياهن هاظا كومنا إمبين , كوم ياحلالي كاعد بفكس سحيجه وعود وإرجع يا زمان , مبتوهش دمغتو الثمانيه واربعين( موحجانه وميجنه , طبون وطبك , خوصه وبوصه , جونه ولجونه , جروشه ومصحان , ساكه وفستيان ,غيمه وخيمه , جرار وكرار, فكوس وخيار, امنيمشي يا امنيمشي يا حبي لكريمشي , وحكوزك وبكوزك , شتي يا دينيا على الطين ألله إيساعد فلسطين , إصطوب... أعلنا الحرب على فلسطين ) إمجرجرينا على وعلى , جرجيرونا الى فلسطين ( من والى وعن وعلى وفى والواو والباء والام ) مهيني كولياتهن حروف جر, هياتو من حروف الجر إلى , طلع معانا من لبلاد

من شرك الجامع لغرب الجامع وانت إتناديلي وانا موش ساميع

على دلعونه وعلى دلعونه ... إلى معانا ماهي علينا

غاغه ودايره , ومن دكنو سكيلو ( طحين , عدس , زيت , فول , أربع تنفار إورضيع إوحامل , حليب ناشف , إبره بتكطع الظنا ) إجيابنا إمطركه جايين إيبيعوا ويلا يشترو , هظول تفريك ... تفريك , بفركو أعاشه , ولك نص إنصيص مابيجي من الغرب إشي بينسرلو الكلب ... شايف إريالتك سكت , خزوك وبنجرولنا إياه ...رايتهم زركا إبتسفك سفك .. إمزركيلنا إياها ... أخرتي بشلع هالوتد وبغزو بالحاكوره ... الشوادر إتشخلت روكعه محداش فكدنا فيها , ولكوا هاي مدلات إلها إول ملهاش اخر ...إمذره

جاي يهل البلد جاي ...جاي يهل البلد جاي ...

مشا الله.. مشا الله زغللت .. زغللت طلع فكس عود وارجع... إمصمصمين ومتلصمين ...بتكلبو وبتشكلبو ...حكوره وإشكاره... إشكارة ريحان , إشكارة حنون, إشكارة أبو دره وأبو ديه , إشكارة عطا وحجازي وجمجوم , إشكارة عز الدين القسام , حلال بنت حلال من الله امحلله , من لبلاد ابتحلالي ويا حلالي

ويا حلالي ويا مالي ... ويا حلالي ويا مالي ... يا حلالي ويا مالي ويا حلالي ويا مالي

ريحان بمرج إبن عامر ... هبت نسايم فلسطين ... يا حلالي ويا مالي ويا حلالي ويا مالي

دحنونه بجذع زيتونه ... بشاير سهل حطين ... يا حلالي ويا مالي ويا حلالي ويا مالي

دره بكرملها وديه ... إف عكا الثلاثه إمعلقين ... يا حلالي ويا مالي ويا حلالي ويا مالي

البحرإب طولو هدر ... يا ابلادنا إح نا إل عائدين ... يا حلالي ويا مالي ويا حلالي ويا مالي

هو بي أحسن من الحلال , اللي ابتعرف أبو وعموا وخالوا , ابتتحيريش فيه , أب عن جد , امعمم وامخول , الله ينطيهم العافيه , كيدونا بالمنظمه , وجلسونا بالمجلس , انطونا ميثاك , صار معنا ميثاك وميجلس , إتركينا , طنزعنا بالكمم وكبرت روسنا وإدمغ دمغناها خمسه إوستين

دم الشهدا بينور طريقنا ... وإحنا على العهد يا رفاقنا

إنكمل المشاوير الطويله ... وعهد الثورة ما نتخلى عن سلاحنا

يا هلا اااا.. و يا هلاااااا...و يا هلا

كلبناها فرفحينا

لرسم بالكلم والوركه ... يا شاربو خط الكلم بالوركه

إمعودين عليها إمنعرفش نوكعد بلاها , محنا ظاريين ع الثورات إبتمشي بعروكنا ,هومي لكوتنا , ذايكناهم , محنا ذايكينها ,ذايكينها من لبلاد ...وحاركه كلوبنا ... العلم فوك سناديك إولادنا والله... الله بعالي سماه واحد أحد إمصبر إكلوبنا , وإمحنن علينا ....

جابو الشهيد جابوه ... جابو العريس جابوه

وفي علم الثوره لفوه ... يا فرحة إموا وابوه

أنا إموا يافرحة إموا ... في عرسو في ليلة دموه

يا تراب الحريه ضموا ... يااخواتو في الثوره إلتمو

زغرودي يالله حيوه ... جابو الشهيد جابوه

***

إيعز ميكدارك ويكبر ابشانك , طبكنا الستين سنه ... ؟؟ فوك ... فوك الستين وكد كدهن عشر طركات هموم ... هم العوده لحالو بكدي , بكدي وبفرك ع الكموم إهموم...بوكلي منين : كولتلو من البيادر الشراكه ... لوين ؟: منتا عارف فش غيرها ... مع مين ؟: بنسألش ! مع يا حلالي يا مالي ويا ربعي ردوا عليا ... إزغير بفريكش بدي أوخذوا عكد عكلو... حافتو الصفنه, مبتواخذش , إمبين عليه إمتفح ومفحفح ,أي هوكظا فوك الستين إشحار يكطع عن حالو ويلم إبحك العلم والخيمه : سيره بتجر سيره , بيتماني واربعين, يومن لينكاذ والتشريك , لاكينا إملاكاه الشوادر, إمصفصفات إتصفصف , بعدهن بشمعهن , ومنمرات ,إجداد لنك ,وين باكيات , مين حطهن , مين دفع حكهن لمين دفع عليش دفع شودفع كديش دفع , ليش إجداد لنك , بيك بن , دن , دن , دن , بتواخذش بكاش بعدو خلكان , شوبدنا بطول السيره , وخوذ يا تزريك , لوتاد منها إكثير كل ما إيزركولنا ود تزريكه , بسن الخوصه وبنجرو , إتملعت خواصري , بكول بلزم ود , عمود , بلزم للخيمه , وامترخهن امترخات ,رزم , رزم , بكا صافن إتغير لونو , معنديش غير خلكة الخشه متاوي فيها, هانت بدي أدشرها ,أشتريت خيمه من عرك اجبيني , وعما كدرالله , بمرحلها , لعند الطواكي الزرك , بحطها وبكعد , وببلش فيهم إمكارعه , وبحط الخيمه ع الحدود , حوط الخيمه ع الحدود , وبحوط الخيمه ع الحدود , بحوطها ..

حوط الخيمه ع الحدود ... وعود وارجع يا زمان

عود وارجع يا زمان ... وع الماشي خلينا انسير

ع الماشي خلينا انسير ... انحط الخيمه اب فلسطين

انحط الخيمه اب فلسطين

مدامك واكف معي لا امشرك ولا امغرب وبدك إتشوركني , أااااه ... أبايييه إجت واكفه عجريها , بحط الخيمه بسيارتو من ورا , بنطلك عند الطواكي الزركا , بكعدو معي, مهو إملمع , كلوا بلزم ( لملمع ولمشمع , لمربع ولمكفع , ليجكم وليفكم , لصغير ولكبير ولمكمط بلسرير,اللي بدور واللي بندار ) صراره بتسند جبل , وخوذ يا إمكارعه , روسنا بتلكى إمكارعه , منكركعهم

دح إيابا دح اييه ... دح ايابا دح اييه

إشوا كاعد بتكول , أه إسمعتك .. إسمعيت , شو بتكول , بتنطيني محل تحت وطابك فوك , وبنطيك الخشه الواكفه , وميتولييف فيها , وفوك هاظا واللذي إموكت , ابتكرعها وابتسلخها طوابك , السوك داحل , ومنكب ع وجي الدنيا ومنصير فوك الكمم , محنا طنزعنا , ناكصنا , ناكصين طنزعه (طنزعنا ولعلعنا بكمة الخرطوم , وسفكونا ع عنكورة الراس إبفاس ) وبتوريني إمخطط , حميتليي بالي وراسي بدي أكوول وبعدينت باسألك :

بكوولك عن حالي : أنا واكييف بيلخوشه ومتولف ومتوكفه الحاله عكمن شغله بديش أكوولهن كولهن .. منا كاعد إموكت تحت سكف الخوشه ليموكت , إبطابكك سكف عيره عاملو لحالك , إنت عيره ويلا إموكت , سووك , سوك ع مهلك يا حبيب إمك , إتسوكيش عليي , إمبين عليك .إبتعرفيش إتسوك .. مثلك مثايل , دكميت بالخوشه .. وفوتت بالحيطه .. والزعززكه من راس الطريك شغاله .. كززيت بدني .. إسواكتك موش كول هالكد .. سوك عمهللك يا حبيبي موش عليي وعالخوشه , أنا إموكت , وإنت كاعد إموكت , سكف خوشه سكف إموكت .. سكف عيره سكف إمزعزك , وكيع يا أبو التواكييع وكيييييع ( يا ما زعزك عليك الكلم يا وراك ) ( إموكت يا سكف إموكت)

كولتيللك .. كوليت .. بدي أسألك : إنت سايك ويللا ناييم ويللا سايك ع النايم

( بطيخه كبل الشكييح كرعه ويلا حمره ) إكعييت .. خوذ وحده ثانيه أسهل منها ( برظعن بكنيينه وحده حليب ناشف وموش خوات .. فيش خوات بالكنينه .. وموش متخاويات .. طيب إن مبكينييش خوات وراظعات ابكنينه وحده , شو بيكربين لبعض .. كولي خوات شو توطيين وتعويض )

ساييك ويلا بتسوك .. سايك ميين وبتسوك عميين .. السواكه موش شغله , سايك عليك الله لا اتسوك وانت ناييم ولا اتسوك ع الناييم

وين ع باب الله وين ع باب الله ... وانت يا سايك وين ع باب الله

ساييك ع الناييم ساييك ع الناييم ... وانت يا ساييك ساييك ع الناييم

ساييك يا ناييم ساييك ع الناييم ... وانت يا ساييك سايكك إوناييم

هاوار الساييك إدهور الناييم ... عم بيدهورنا الساييك والناييم

رف الحماييم رف الحماييم ... وكع بيئيدوا السايك ع الناييم

راحت ع الساييك راحت ع الناييم ... ساييك إودهور دهور الناييم

إصحى يا ساييك إصحى يا ساييك ... إصحى علينا إصحى يا ساييك

إصحى يا ناييم إصحى يا ناييم ... إصحى عليهوم إصحى يا ناييم

واكف ميتولييف ... واكف متولييف ... واكف عالناييم ... واكف ميتولييف

سايك عليكوا .. سايك عليكوا ... الله ويجاهو ... سايك عليكو

ميدوا إيديكوا ... ميدوا إيديكوا ... ميدوا لدينا ... ميدوا إيديكوا

من النهر للساحل ... من النهر للساحل والله إنحررها ... من النهر للساحل

سايك عليكو الله وجاه الله إتميدوا إيديكوا لبعض

مبدهاش أعصب , بعربها .. أعريبها بتتعرب ويلا لع يعني أنا موش كول هالكد نحوي .. وبديش أميميع .. إنتي مع مين .. مع مع ويلا مع مع .. مع ويلا مع , ويلا معمع , بيدهاش ميمعه بنحو ونحوي .. وبالإعراب والعربي , لإنو بالنحو والتعريب .. إتعربت .. وصار التعريب نحو , وللنحو كواعد النحو, كواعد النحو بلايمهاش عمينها غميكه غومك وادي عربه , أمن نحوالكواعد بتلايمني مثل كرج الميه , وعشيني إمروح .. لوحنا ع الكواعد .. بالعربي الفصيح بدهاش تعريب , عاربه حالها ابالها .. نحو القواعد تبع ( لوحنا عالقواعد لوحنا )

خليني أعاود أكنيع حالي واحسب من اول لبو جديد ...

منشوف حال الكسمه , البيدرإن إنكسم من النوص بصير بيدرين , ببطل بيدر, واحد من هون إ واحد من هون , بيناتهن الثمانيه وموش عاقر , شو الركم يا شاطر , مانكبلتش , في عنا كرامي بالبيدر موش من اليوم ... من الثمانيه واربعين

بنشر ماهو زيين .. بنشر ماهو زيين .. تونبيلك يا وايزمان .. بنشر ماهو زيين

أشوف غيرها بلكي أكنع منحالي بالجمع , بين الكورميه اوكبل الكرامه , إثنين من امشرك واثنين من امغرب , كديش بجمعن بالنص , امسهلينها وموكفيين بفيتها , اثنين من هون واثنيين من هون .. اربعه ابذانتين , , إثنيين أربعه إثنين .. ميثلها مثل سعدان ولاكا خرزه , متوالفاتيش مع كرامي كبلها والكرامه بعدها

أجيها من باب ثاني , إن ظربت إمشرك بمغرب , بي ناس بتحب تتبروز , الكورميه العوتكيه اللي معي من الثمانيه واربعين , بيجينا دمغة الخمسه اوستيين , موطرح ما انا واكف , لا امشرك ولا امغرب ولا امغرب ولا امشرك , بي طريك ومحطوط عالخارطه , يا حزريتك , الطريك ببلش اوبي خَلِص من عندي , ولنت امبلش , بخليهوش يومرك علي , بشمشموا ابشمامه اوبيكولوا نعنع , من حكنا إنكول لعلع , موش هيك النعنع

نعنع جرح ايديها .. ريت النعنع ما يطلع .. ريت النعنع ما يطلع

قالتلي يا عينيي .. يا ابو خدود الورديه .. يا ابو خدود الورديه

إذا ما رضيت إمي .. أوعك عن رأيك ترجع .. أوعك عن رأيك ترجع

اديرها طرح , احفظنا بالكتاتيب , الطرح تنكيص ... لإنو عكلاتنا ع كدنا , فهمونا التنكيص , الواحد لصغير بنكص لكبير , والناكص لكبير ما بنكص من الواحد إشي ,إيكبر شانك اومكدارك ويعلي مكامك من كل تنغيص اوتنكيص , ناكص كبير مافي كودامو إشي مطروح ولا وراه إشي يطرح , بالنتيجه , شو بيساوي , ولا إشي , لا بيكدم إشي ولا بإخرإشي أحسنلو إيبطل منكصه .. عكلي الناكص بتحملنيش .. أكربها لعكلي .. ولد واحد يوم الطرح , بكول عن حالي رديت عولاد ازغار ونسويين , اولاد بالمدرسه عندهم درس تاريخ , نط ولد عن سنسالة المدرسه ,على طرح وامراجده , طرح وامراجده , دارفارس بمنفاخ ريح امراجده , طرح الدبابه , واحد طرح دبابه يساوي واحد , حجر إصغير بنكص دبابه , بقدم شي وبأخر شي , فارس خيال ما بيستريح , إيدور الريح , يندارفارس ويرد الريح , يفتح الباب المردود وما اتسكر, إيسابك إهبوب الريح , ينقص من أرض حجر, بيعود للأرض وتزيد الأرض حجر, فارس قدامو حجر وخلفو حجر, الحجر بعدو حجر بيساوي حجر, حجرفارس حجر, قل هو الله أحد , فارس دار, فارس غار , غار فارس , دار فارس , إندارفارس العوده وارفاقو للطرح , إنداريا فارس اندار, دار العوده هيه دارالطرح , يا سامع الصوت لاتنجرح , الجرح يومن يندمل ابيندمل جرح .. كرامه لإكليل فرح , ما أنقص ليل من إنهار صبح , اللي براسو عقل ينتصح , فارس ورفاقو قالوا للأجيال : الدرس بالمدارس يندرس والتاريخ بينصنع

عاد فارس عكتاف ارفاقو للدار .. والباقي قول

نسوان عروسهن اكليل كرامه .. وبتزف محمول

إم فارس اتصيح بعالي الصوت .. قال وبتقول

هيييي ... هيييي

هييي هييي هي .. هم ..

هييي هييي هي .. هم .. هم .. هم

ثوري ثوري ثوري ... ثوري ثوري ثوري

ثوري ثوري ثوري ... ثوري بالحجار ... ما غيرا قرار

ثوري ثوري ثوري ... ثوري بالصغار ... لا ترضي العار

ثوري ثوري ثوري ... ثوري بالحجار ... ما غيرا قرار

ثوري ثوري ثوري ... ثوري بالصغار ... لا ترضي العار

ثوري ثوري ثوري

هييي هييي هي .. هم

من طرف **حمزة حمزة** الثلاثاء 23 فبراير 2010, 9:12 pm

متزعلش يا إبني .. الظاهر إنو الجرح المفتوح رفع صوتي , الجرح المفتوح بظل حامل الوجع , يا إبني .. يمكن عليت صوتي , صوت وجعي , لا توخذ عخاطرك .. شوف حالك .. شوف .. بس لا إتشوف حالك على اللي أكبر منك , يا إبني , أنا شايف حالي إوشايفك , بس موش شاييف حالي عليك .. لأ يا إبني .. موش عليك , عشانك , عشاني اوعشانك

يا ابني أنا عارف كيمتك , إنت موش عارف كيمة حالك , عشينك ما ابتعرف ولإنك موش عارف .. غايب ومغييب , إنت حاضر وعارف إنك إمغيب .. إنتي ناكصني وانا ناكصك , موش ناكصك إشي , إنت وانا ناكصيين بعض .. ناكصيين بعض

اسمعني إمليح .. يمكن بعرف شو في ابداخلك ويمكن لأ .. بس بعرف أنا مين وشو إبداخلي .. بس إنت موش عارف مين إبداخلك , مين أنا اللي إبداخلي وأنا إبداخلك , فلاح فلاح فلاح .. فلاح حيي يا ابن الفلاح إوحييي

حيي على الصلاة ... حيي على الفلاح ... الله أكبرالله أكبر ... لا إله إلا الله

فلاح اوحيي على الفلاح .. فلاح بسيط .. محراث أرض .. فية زتون اوتين اوصبار .. عرق إجبيني جبل محامل .. بيدي المحراث وعظهري النير.. ساري للبيدر قبل اطلوع الظو بسابك العتم .. خايف إقدامي إدوس عيش إصغير بين سنابل القمح , ومخافة الرحمن أرتجف .. الله أكبر ألله أكبر .. أصبحنا وأصبح الملك لله ..

الحمل اللي ابراسي تعبي اوكدي .. كد الفلاح بالأرض .. حمل الفلاح بالأرض وحمل الأرض للأرض

إبراسي عتابا وميجنا , وهيهاااات هيهاااات هيههههههات يا بو الزلوووووف

إجاني الحمل لثقيل إثقيل ع الراس , الحمل لثقيل بدو إجمال إتشيل , أنا الفلاح محراث الأرض .. فلاح حامي الأرض والعرض .. الأرض والعرض , العرض والأرض , الأرض العرض , العرض العرض العرض , العرض يا أرض , الأرض والعرض , همي اكبير والطريق مسدود وما حدا لحدا لا القريب ولا لبعيد , فلاح وشو طالع بالإيد

يا ابني .. حملت اللي بقدر عليه عظهري , ووين سار بي الطريق , وين الطريق اللي يجييب اويين الطريق اللي بودي , ربيتك اوعلمتك .. اليوم إنت إبتعرف .. أنا مكونتش أعرف غير الأرض والعرض , وبعدوا الزمن وليام بيكولن .. العرض أرض .. والأرض عرض .. إنت الأرض والعرض لإنك إبتعرف

يا ابنيي بيللي ابتكدر عليه .. إشويه من وكتك .. وبلاش ما اتنادي ع صلاح الدين , إبوكتوا عيمل اللي عليه , إعمل اللي عليك بشويه من وكتك , عشان متسيديش الطريك بويجيه إبنك .. فلسطين أكبر مني ومنك ومن إبنك .. أعطيها كل وكتك .. إللي بيها بيدر إصغير ع سفح جبل بين البحره والبحر ..

إنت واحد وانا واحد والوطن واحد .. والوطن الواحد ... كل واحد منا فيه وطن , والوطن الواحد وطن

يا وطن واحد خليك واحد .. خليك واحد .. خليك واحد .. واحد .. واحد , موش لكم واحد ... وكم واحد لواحد.. اواحد لكم واحد , يا وطن واحد خليك واحد .. يا وطن واحد خليك واحد .. خليك واحد .. خليك واحد .. واحد .. واحد

لوع الجمال قلبي يومن نوى ع الرحيل

قولت جمال خوذني قال أنا حيملي ثقييل

شايف دمعتك يا ابني جرحت خدك

يا بنيي شوف الورق يللي بايدك .. دمعه من عينك كشفت لونو.. إزرق وبيليزرق

يا عم.. يللي بالوطن وجودك وطن .. واللي الوطن جواه موجود بالوطن .. الوطن ما بدو توطين

يا عم .. اسمع من كبير عاش العز بالوطن .. وجواه وطن عز

يا عم .. العز اللي انت شاييف والعز اللي انت فيه .. وبتحلم فيه لإبنك وفيه ابتلهييه

يا عم .. وانت ببلادك .. بمر إبحدك ما بتتطلع فيه

يا عم .. جواي وجواك وطن .. والوطن عز إلك ولابنك وللي يلليه

يا عم .. دمعه من خدك .. فيها أصل من جدك

شو ناطر لتعود لأرضك

عرق اجبينك ناطرك

بيع وهمك

اصنع ابنك

خليه ايشاهدك ويكتب ع شاهدة قبرك

وطن

جار الزمان وإندار ... ع العتابا والزلف والدار

يا سامع الصوت إندار ... للأوف والميجنا والدار

لفية السريس للريحان ... للتين والزيتون للنوار

لقطوف الحلالي للسنديان ... لعود وارجع للصبار

لمين يا مِندار بِتندار ... لمين الأرض لمين الدار

ياحلالي ويا مالي .. ويا حلالي ويا مالي

لمين المطله الخالصه ترشيحا عين الزيتون جبل كنعان ... فلسطين ... يا حلالي ويا مالي .. ويا حلالي ويا مالي

لمين صفد جبل الجرمق الصفصاف راس الناقوره إم الفرج

لمين عكا وسهل عكا شعب الكساير الدامون

لمين طبريا سهل حطين كفرمندا شفا عمر سخنين

لمين الناصره المشهد اندور كفر كنا جبل طابور

لمين مرج ابن عامر نهلان الخضيره ام العمد

لمين حيفا إم الزينات جبل الكرمل الطنطوره المزار ... فلسطين ... يا حلالي ويا مالي .. ويا حلالي ويا مالي

لمين قيساريه المراح إم الفحم عاره ام القطوف

لمين طولكرم رامون سيلة الظهر الخضيره

لمين قلقيليه كفر قاسم عنبتا كفرسابا ذكرين

لمين تل الربيع المسعوديه بني براق

لمين يافا يازور ساقيه الخيريه

لمين اللد والرمله عسقلان بيت داراس وادي حنين ... فلسطين ... يا حلالي ويا مالي .. ويا حلالي ويا مالي

لمين بير السبع خربة الصوافي خربة الوطن تل السبع

لمين النقب سهل الهوى ام الرشراش عين الدافيه

لمين رفح الشوكه تل مصباح

لمين خان يونس القراره بني سهيله عبسان

لمين دير البلح البريج , المغازي تل القطيفه نصيرات

لمين غزه جباليا بيت لاهيا بيت حانون ... فلسطين ... يا حلالي ويا مالي .. ويا حلالي ويا مالي

لمين جنين يعبد المزار لمين بيسان كوكب الهوا

لمين نابلس جبل عيبال عسكر بلاطه

لمين بير زيت سلفيت عبوين بيت ريما ام الصفا

لمين رام الله قلنديا البيره الأمعري الجلزون

لمين أريحا عقبة جبر حلحول بيت أمر سعير

لمين الخليل يطا المجد إذنا تفوح جبل جالس ... فلسطين ... يا حلالي ويا مالي .. ويا حلالي ويا مالي

صلي ع النبي يابا صلي... تزعلش يابا ... الدنيا بنزعلش عليها ... منا دايرك ع الكبله وبتتشاهد ...الله ايسهل عليك يابا , روحت ... يابا ...يابا ... ييابا.. يياباااا ..

ييابا مَررتني وأنا مَريت ... ع الأهل ع الدار مَريت

عَدَت أيامي وانا عَدِيت ... على الأيام والعمر والبيت

يا حلالي ويا مالي ... ويا ربعي ردوا عليا

لمين الدار ومين يا دار ... لكل بيت في القدس ولكل دار

مين للقدس مين لأقصاها يندار

مين من التاريخ أقصاها واندار

ياسامع الصوت وميندار إندار

أدخل من إبوابها التاريخ بيندار

باب الغوانمه باب العتم باب الناظر, باب الثلاثي الباب المنفرد باب حطه , باب القطانين باب الحديد باب السلسله , باب الأسباط باب المغاربه , باب الرحمه , باب المطهره باب الجنائز

لمين يا مندار بتندار ... لمين الأرض لمين الدار

لمين الزمن والأيام تِندار ... الدار للتاريخ بِتندار

لباب العوده إندار إندار ... لخيمه ع الحدود والأقدار

سيروا ع ما قدر الله ويل كاتبوا ربك يصير

الحمل ع الظهرثقيل منرضعوا لولادنا

دارن دعتنا للفرح واجب علينا إنزور

_______________________________

بقلم : حمزة صبحي حمزة 13 – 2 – 2010

* نداء العودة : ليكن الخامس عشر من أيار يوم العودة ارفع علم فلسطين أينما كنت *