وما يهمش !!!

وما يهمش !!!
بقلم
آمال محمود كحيل

وما يهمِّش
في شرعك تنصف المظلوم
ولا تلوم ع اللي كان جاني
ولا عرفتش
تبرأ _ للأسف _ محكوم
وفته ف سجنه بيعاني
ما فكرتش بإن هناك
بريء موصوم
وكان أمله للحظة تكون
نزيه وياه وحقاني
طعنته بمنتهى القسوة
وبعت الحق بالباطل
وبتراوغ في حق الغير
وبتلاوع وبتماطل
ولساك برضه يا غرورك
بتستأسد على الحملان
يا قلبي خلاص
ماعادشي أمان
في كون موبوء بمليون داء
خلاص كل العقول طاشت
ورا الأهواء
خداع ورياء
وخبث وزيف وياما نشوف
عيون غايمة ووشوش
فيها الجشع مكشوف
نفوس ظالمة نفوس خاوية
ما تعرف حتى كلمة خوف
بتتهافت على الدنيا
وهيه لمين كانت دامت ؟
صحيح فانية
وآه يا ضمير
ندهت كتير
وصوتك ضاع بين الأصوات
بتصرخ ليه ؟
بتنده مين ؟
بشر جوه القبور أموات ؟
قلوب الناس بقت غارقة
في شبه سبات
وضرب خيال وشبه محال
في عصر المادة يتصلح
يا قلبي الحال
يا ريتني ف يوم
ألاقي دليل
ونص صريح
يقول إن الخداع والظلم
شيء مسموح
يبيح الكدب ويحرَّم
معاني الطيبة والإخلاص
يدين الود والإحساس
ما بين الناس
هاتولي دليل
عشان أقدر أحوش دمعة
سالت فوق خدي
تشكي الويل
عشان أقدر أقيد شمعة
تنور ليَّه عتمة ليل
واشوف من تاني كون تاني
فيه الرحمة بقت وصمة
فيه الطيبة بقت نقمة
يا نار قايدة
في وسط التلج ليه قايدة ؟
ما فيش فايدة
ما دام القسوة في الدنيا
بقت سايدة
ما دام أصبح
لوش الظلم ألف قناع
وألف لسان
ما دام نبض الملل فينا
قتل أجمل معانينا
وتهنا وخلف أطماعنا
هدرنا البر والإحسان
وآه يا زمان غريب خوَّان
فيه الإنسان
صبح قلبه حجر صُوَّان
ما فيش فايدة
ما فيش فايدة

من طرف **محمد لطفى** الخميس 18 فبراير 2010, 6:34 pm

لله الامر من قبل ومن بعد

دائما تزخر الحياة بنماذج عديدة منها القدوة الحسنة ومنها السيئة

ولكن دائما ندعو الله للجميع بالهداية

وقالوا قديما كما تدين تدان

اليس الله بأحكم الحاكمين اختى امال

من طرف **وفاء كحيل** الجمعة 19 فبراير 2010, 1:53 am

طول ما الشمس بتنور
وش الورد بيزهر
ومفيش احزان
والضحكة هيبقالها
بقلوبنا كمان ألوان
وننسى سواد الحزن
اللي بنعيشه
في سكك توهان
ما هو احنا بنخلق ايامنا
وفرحنا ده مراية قدامنا
وحزن الناس بيسكننا
وبيتعبنا
مادام جواتنا سكن إنسان
مادام الفرح ف قلوبنا
والتحنان
منطاوعشي كمان
أحزاننا
منقولشي يا ريت
ولا كنا وكان

من طرف **محمد الأنور** السبت 20 فبراير 2010, 11:22 pm

أختى الفاضلة د/ آمال كحيل
قصيدة لاأروع ولاأجمل ولاأبدع
الوزن ســــــليم والصور البلاغيّة تملأ جنبات القصيدة
رائعة مشـــاعرك وصورك
واحســـــــاسك المرهف
دمتى رائعة ومبدعة
الشــاعر محمد الأنور

محمد لطفى كتب:
لله الامر من قبل ومن بعد
دائما تزخر الحياة بنماذج عديدة منها القدوة الحسنة ومنها السيئة
ولكن دائما ندعو الله للجميع بالهداية
وقالوا قديما كما تدين تدان
اليس الله بأحكم الحاكمين اختى امال

بلى أخي الكريم وشاعرنا المبدع
الأستاذ محمد لطفي
ومن سوى الله رب العالمين قد ينصف المظلوم
ويعيد الحق لصاحب الحق فالله يمهل ولا يهمل
وإن غاب صوت العدالة في زمن ساد فيه الشر على الخير
فلن تغيب عدالة الله في السماء
شكرًا من صميم قلبي وامتناني بلا حدود
لمرورك الأجمل ولمداخلتك الراقية التي أسعدتني بحق
وتقبل خالص احترامي وتقديري
مع عاطر التحايا وصادق الدعاء
آمال

من طرف **ظميان غدير** الإثنين 08 مارس 2010, 7:50 am

هذا النص يضج بالحكمة وبالرؤية العميقة للحياة وملاحظات دقيقة في طبائع وتصرفات البشر
تحيتي لك يا شاعرتنا القديرة آمال كحيل
ظميان غدير

من طرف **ماهر حامد** الأربعاء 10 مارس 2010, 5:18 am

قابلت ناس موش ناس
فى بلاد بحورها رمال
مات فيهم الاحساس
وكفنوة بالمال

اعتقد كدا وراء كل قناع وصمه عار

كل تقديرى ومودتى

وما يهمش !!!

وما يهمش !!!

رد: وما يهمش !!!

رد: وما يهمش !!!

رد: وما يهمش !!!

رد: وما يهمش !!!

رد: وما يهمش !!!

رد: وما يهمش !!!