رباعيات ودعوة للمشاركة

وفاء كحيل كتب:

زمان بنتكلم وكنـا بالفـرح بنتواعد
وبالصحبة يزول الهم ف حب الله بنتصاحب
بعدنا ليه ومين خدنا ؟؟ وليه غربتنا بتوجعنا ؟؟
وليه بأحزاننا فاتونا وليه لقلوبنا بنعاند ؟؟

إبعد بعيد خالص متجيش هنا تاني
خليك هناك واهرب منها أحزاني
عشتلك زمان ضحكة لكن خلاص
ماتت في قلبك الميت وقلت تنساني

محمد لطفى كتب:لك يارسولنا فى قلبى اشواق
لافيها مصالح ولا ذرة نفاق
نفسى ازور قبرك واستنى
حتى يحين لحياتى الفراق

ماهر حامد كتب:

الله يادكتورة واسمحى لى بهذا الاهداء الخاص وهو دعاء
اهديه اليك يا طيبه القلب ولاخر شط وقفتى عندة
وما اروعه هذا الشط انه شط النجاة


سامحنى يارب


سامحنى يا رب وأقبل منى توبتى

أغفر ذنوبى أغفر خطيئتى فى دنيتى

من بعد بعدى عنك تاهت خطوتى

انت الحبيب انت القريب

وكل محبتى

سامحنى يا رب


راجع ونادم على كل شيىء منى جرى

لا هينفعنى مالى ولا غرورى تحت الثرى

أغفر يارب كل اللى كان واللى جرى

د العمر عده الا حبه صغيره

سامحنى يا رب


فى خلوة بينى وبينك حسيت بإرتيــاح

نزلت دموعى كوت ضلوعى وكل الجراح

توبه ما اعود انا للذنوب ولا للجراح

وانده وأأقول اقم الصلاة

أقم الفلاح

سامحنى يارب